Жеңіс саябағында 5513 әскери бөлімі жас сарбаздарының ант қабылдау рәсімі өтті деп хабарлайды Baq-orda. 300-ге жуық сарбаз ант берген шарада Жамбыл облысының әкімі Ербол Қарашөкеев сөз сөйлеп, Отан қорғаушы болу – өте абыройлы әрі жауапты міндет екенін атап өтіп, жас сарбаздарға сәттілік тіледі. Шара барысында саябақтағы Кеңес Одағының батыры, даңқты жерлесіміз, әскери  қолбасшы Бауыржан Момышұлының ескерткішне гүл шоқтары қойылып, рухтарына тағзым етілді. Ант беру рәсіміне сарбаздардың туыстары қатысып, жас әскерилерге қолдау көрсетті.