Бүгін, 10:20
Танымал әнші Жазира Байырбекова өміріндегі маңызды өзгерісті әлеуметтік желідегі парақшасында бөлісті, деп хабарлайды baq-orda.kz.
Өнер иесі бұдан былай атасының құрметіне «Жазира Ыса» есімін қолданатынын мәлімдеді. Әншінің айтуынша, бұл шешім оның отбасы тарихы мен ата-бабаға деген құрметінен туған.
«Атамның есімі – Ыса. Сол кісінің құрметіне тегімді өзгерту туралы шешім қабылдадым», – деді әнші.
Жазираның бұл жаңалығы желі қолданушылары арасында қызу талқыланып жатыр. Көпшілік өнер иесінің шешімін қолдап, оған ізгі тілектерін жолдауда. Оқырмандар қазақы дәстүр мен ата-баба есімін ұлықтауға бағытталған қадамды жоғары бағалаған.
Айта кетейік, Жазира Байырбекова – қазақ эстрадасындағы танымал әншілердің бірі. Ол өнердегі және отбасылық құндылықтарды насихаттаудағы ұстанымымен көпшілікке жақсы таныс.
