Жамбыл облыстық жедел медициналық жәрдем көмегіне Тараздағы жеке үйлердің бірінде тұратын 25 жастағы әйелдің толғағы басталғаны туралы қоңырау келіп түседі. Диспетчер GPS навигациясы бойынша қоңырау түскен жерге жақын бригаданы анықтап, пациентке бағыттаған. Аталған мекенжайға жедел жәрдем 8 минут ішінде жеткен. Бұл уақыт аралығында қабылдау дәрігері Мадина Запенова телефон арқылы әйелдің қайын енесіне не істеу керектігін айтып тұрады. Жедел жәрдем қызметі келгенге дейін диспетчерьдің нақты нұсқауларының арқасында әйел толыққанды баланы өз бетінше дүниеге әкелген. Нәтижесінде босану – асқынусыз өткен. Анасы мен жаңа туған нәресте облыстық перинаталдық орталыққа жатқызылған. Бүгінгі таңда олардың жағдайлары жақсы. Жақында үйіне шығару жоспарлануда.