Мемлекет басшысы Қасым-Жомарт Тоқаевтың Жарлығымен Президент Әкімшілігінде бірқатар ауыс-түйіс болды, деп хабарлайды Бақ Орда Ақордаға сілтеме жасап. Атап айтқанда, Мемлекет басшысының Жарлығымен: Руслан Сұлтанұлы Желдібай – Қазақстан Республикасы Президентінің ішкі саясат мәселелер және коммуникациялар жөніндегі көмекшісі;

  Ержан Хозеұлы Қазыхан – Қазақстан Республикасы Президентінің халықаралық мәселелер жөніндегі көмекшісі;

  Ержан Нұрланұлы Жиенбаев – Қазақстан Республикасы Президентінің құқықтық мәселелер жөніндегі көмекшісі лауазымына тағайындалды.

  Еске салайық, бүгін Қ.Тоқаев ҚР Президенті Әкімшілігінің құрылымын қайта жасақтау туралы Жарлыққа қол қойды. Бұған дейін хабарлағанымыздай, Мемлекет басшысы Ғизат Нұрдәулетовті ҚР Қауіпсіздік кеңесінің хатшысы етіп тағайындады. Бұдан бөлек, бірқатар лауазым иесі жаңа қызметке тағайындалды.