Бұл туралы халықаралық бокс қауымдастығының (IBA) ресми сайтында жарияланды. Атап айтсақ, аталған шешім Сочиде өткен директорлар кеңесінің отырысында қабылданған. IBA әзірге бұл шешімге өту үшін үш кезең қарастырған. Нақтырақ айтсақ, әйелдер арасындағы жекпе-жектерде шлемге тыйым салу маусым айынан соң күшіне енбек. Негізі бұл талап бір жыл бұрын талқылана бастаған екен. Сонымен қатар Сочиде өткен директорлар кеңесінің отырысында Белград 2025 жылы әйелдер арасында бокстан әлем чемпионатын өткізу құқығына ие болғаны ресми түрде жарияланды. Естеріңізге сала кетейік, өткен жылы Ташкентте өткен Халықаралық бокс қауымдастығын (IBA) директорлар кеңесінің ресми отырысында 2024 жылғы әйелдер арасындағы әлем чемпионаты Астанада өтетіні туралы шешім қабылданған болатын. Есте болса, 2016 жылы Астанада әйелдер арасындағы әлем чемпионаты өтіп, сол жарыста Қазақстан құрамасы табысты өнер көрсетті. Қазақстандықтар онда 4 алтын мен 2 қола медаль олжалаған еді. Онда, Назым Қызайбай, Дина Жоламан, Валентина Хальзова және Ләззат Күнгейбаева теңдессіз деп танылса, Жайна Шекербекова мен Айжан Қожабекова үшінші сатыға табан тіреді.