Танымал әнші Жазира Байырбекова мейрамханаға жануар кіргізіп, той жасайтындарды сынады, - деп хабарлайды Baq-orda Massaget.kz сайтына сілтеме жасап. Бұл туралы ойын өнерпаз өзінің instagram парақшасына жазба жазып, жариялады.

"Қаладағы екіқабатты мейрамханаларға көтеріліп жүретін, аттарға қарағанда даладағы аттар бақыттырақ. Кеше Хамит інім ұлына сүндет той жасады. Аттарды мейрамханаға кіргізбей, атпен жүретін рәсімді сыртта көрсетті. Жарайсың, інім! Оңтүстікте сүндет той жасаса болды, аттарды қинап той залына кіргізеді. Осы көрініс маған ұнамайды. Аттарға жаным ашығаны-ай!", – деп жазды әнші.