«7-20-25» бағдарламасы бойынша 50 мыңға жуық қазақстандыққа несие берілген

29 шілде, 2022

caption

«7-20-25» бағдарламасы бойынша 50 мыңға жуық қазақстандыққа несие берілген «7-20-25» бағдарламасы бойынша 48 906 несие берілді. Бұл туралы ҚР Ұлттық банкі мәлімдеді. «2022 жылғы 28 шілдедегі жағдай бойынша «7-20-25» бағдарламасын іске асыру аясында жалпы соммасы 630 млрд теңге болатын 48 906 қарыз берілді. Мәселен, Нұр-Сұлтан қаласы бойынша 17 052 өтінім түсіп, оларға 257,9 млрд теңге несие ұсынылды. Ал, алматылықтардан түскен өтінім саны - 10 040. Осыған сай, оларға 146 млрд қарыз берілді. Тағы 3 220 өтінім Шымкент қаласынан түсті. Оған 38,4 млрд теңге несие бағытталды», - делінген банктің хабарламасында. Сонымен қатар, Ұлттық банк биылғы маусым айында зейнетақы жинағы 4,8 пайызға артқанын мәлімдеді. Бұған қоса, банк жыл басынан бері қолдан жасалған 133 банкнот пен 3 монетаны анықтаған.  

BAQ-Orda

'БАҚ Орда' ақпараттық порталы