Суға батып бара жатқан бүлдіршіннің құтқарушысына төсбелгі табысталды

9 тамыз, 2022

caption

Суға батып бара жатқан бүлдіршіннің құтқарушысына төсбелгі табысталды Шығыс Қазақстанда 6 жасар баланы құтқарған Ұлттық ұланның әскери қызметшісі Тілек Құмарбековке «Суға батқандарды құтқарғаны үшін» медалі салтанатты түрде табысталды. «Өз өмірін қатерге тігіп, шұғыл жағдайда балаға көмекке келу – нағыз ерлік. Тілек өз өмірін қатерге тіккенін біледі. Ұлттық ұланның жауынгерлері әрқашан батылдық танытумен ерекшеленеді», - деді ШҚО ТЖД бастығының орынбасары Арман Тоқанов. Сондай-ақ, ол ҚР Төтенше жағдайлар министрінің бұйрығымен ержүрек ефрейторға «Суға батқандарды құтқарғаны үшін» медалін салтанатты түрде табыс етті. Оқиға 19 шілдеде болған. Үлбі өзеніне батып бара жатқан баланы құтқаруға ұмтылған Тілек Құмарбеков судың қатты ағысына қарсы тұрып, өзі мерт бола жаздайды. Ол суға тұншығып барып аман қалған. Осы ерлігі үшін ол Ішкі істер министрінің орынбасары - ҰҰ Бас қолбасшысы атынан «Ұлттық ұлан қызметінің үздігі» және ҰҰ «Шығыс» өңірлік қолбасшылығының «Қоғамдық тәртіпті сақтағаны үшін» төсбелгілерімен марапатталған болатын.

BAQ-Orda

'БАҚ Орда' ақпараттық порталы