Футзал 2023-2024 лигасының ашылу салтанаты өтті

13 қараша, 2023

caption

Футзал 2023-2024 лигасының ашылу салтанаты өтті Осы жылдың 11 қараша күні Шу ауданы әкімдігінің ішкі саясат бөлімінің Жастар ресурстық орталығы КММ-нің ұйымдастырумен Шу ауданы бойынша футзалдан ішкі чемпионатының ашылуына орай кіші футбол турнирі өтті. Ашылу салтанатына Шу ауданы әкімінің орынбасары Сұлтанбаев Найман Кенжеханұлы қатысып спортшыларға алдағы ойындарына сәттілік тіледі. “Белбасар” спорт кешенінде өткен турнирде ауданның аяқ доп шеберлері турнирдің үздігін анықтады. Жарыс қорытындысы бойынша үздік үштіктен «Алға» командасы көрінсе, екінші орынды «Төле би» командасы және бірінші орынды «Белбасар» командасы өз қанжығасына байлады. Жеңімпаздарға ұйымдастырушылар тарапынан арнайы дипломдармен бағалы сыйлықтар табысталды. Аталған Футзал лигасының І кезеңі 19 қарашадан басталып өз жалғасын табады.

BAQ-Orda

'БАҚ Орда' ақпараттық порталы