Бүгін, 15:24
Танымал әзілкеш Тұрсынбек Қабатов пен жұбайы Мөлдір Мұқанның қызы Әдемі Тұрсынбекқызы әлеуметтік желіде әкесімен қарым-қатынасы туралы пікір білдірді, деп хабарлайды baq-orda.kz.
Беттер
Ол Instagram парақшасында оқырмандарының сұрағына жауап беріп, отбасы ішіндегі байланыс жайлы ашық жазба жариялаған.
- Мен тек өз атымнан жауап беремін: менің папаммен, Аллаға шүкір, бәрі жақсы. Әрине, барлық адамдардағыдай реніштер мен түсініспеушіліктер болды. Бірақ менің әкем біреу ғана, мен оны қандай болса да сол қалпында қабылдаймын, — деп жазды Әдемі.
Сондай-ақ ол психолог көмегіне жүгінбегенін, бірақ уақыт өте адамдардың мінсіз болмайтынын түсінгенін айтты.
- Ең бастысы – ол бізді жақсы көреді. Шынымды айтсам, қазір біздің қарым-қатынасымыз бұрынғыдан әлдеқайда жақсарды, — деді ол.
Әдемі Тұрсынбекқызы бұл пікір тек өзіне қатысты екенін де ерекше атап өтті. Оның айтуынша, бауырлары — Айбым, Айару, Нұриман және Райымбектің де әкесімен қарым-қатынасы жақсы екенін жеткізді.
- Олар жабықтау адамдар, әркім өзі үшін сөйлейді, — деп қосты ол.
