Бүгін, 00:50
Әнші Әділет Жауғашартің Ақтөбе қаласында өткен концертінде көрермендерді таңғалдырған ерекше жағдай болды, деп хабарлайды baq-orda.kz.
Концерт барысында бір бойжеткен сахнаға көтеріліп, өнер иесіне гүл шоғын табыстаған. Алайда бұл сәт тек гүл сыйлаумен шектелмей, күтпеген жерден ерекше форматқа ұласты. Музыка әуені басталған сәтте қыз әншімен бірге билеп, залдағы атмосфераны қыздыра түсті.
Көрермендер бұл әрекетті жылы қабылдап, бойжеткеннің батылдығы мен еркіндігіне тәнті болды. Әсіресе, оның сахнада өзін еркін ұстап, әншімен үйлесімді қимылдауы көпшіліктің көңілінен шыққан.
Әлеуметтік желілерде де бұл сәт қызу талқыланып жатыр. Қолданушылар қыздың әрекетіне оң баға беріп, «нағыз фанат», «батыл қыз екен», «көңіл-күй сыйлады» деген секілді жылы пікірлер қалдыруда.
Осылайша, концерттегі тосын сәт кештің ең есте қаларлық эпизодтарының біріне айналды.
