23 сәуір, 2026
Қазақстандық айтыскер ақын Айнұр Тұрсынбаева тағы да елді таңғалдырды — бұл жолы жырмен емес, жомарттығымен, деп хабарлайды baq-orda.kz.
Ақын келінінің 26 жасқа толған туған күніне ерекше тосынсый жасап, оған су жаңа автокөлік сыйлаған. Бұл қуанышты сәтті ол өз әлеуметтік желісінде бөлісіп, көпшіліктің ықыласына бөленді.
«Келінім — қызымдай. Бақытты болсын, шаңырағы шаттыққа толсын» деген мағынадағы жылы лебізін арнаған Айнұр ханым, тек сыйлықпен шектелмей, жүрекжарды тілегін де жеткізді. Сонымен қатар, ол құда-жекжатқа алғыс айтып, екі жастың бақытты өмір сүруіне ақ батасын берген.
Желі қолданушылары бұл әрекетті ерекше ықыласпен қабылдады. Көпшілік ақынның кең пейіліне тәнті болып, «нағыз қазақы келінге деген құрмет», «үлгі боларлық ене» деп жарыса жазды.
Бұл жағдай тағы бір мәрте Айнұр Тұрсынбаева отбасы құндылықтарын жоғары қоятын жан екенін дәлелдеді. Жомарттық пен сыйластық — бүгінгі қоғамға жетіспейтін қасиеттердің бірі екенін еске салғандай болды.
