Бүгін, 10:02
Танымал әнші Алтынай Жорабаева әлеуметтік желідегі парақшасында күйеуінің сыйлығын көрсетіп, оқырмандарымен қуанышын бөлісті, деп хабарлайды baq-orda.kz.
Өнер иесі 15 сәуір – Ғашықтар күніне орай жолдасынан алған сыйлығын жариялаған. Алайда бұл жазба желі қолданушылары арасында түрлі пікір тудырып, кейбірі әншіні «мақтаншақ» деп сынаған.
Осыған байланысты Алтынай Жорабаева өз парақшасында түсініктеме беріп, бұл әрекеті мақтану емес екенін атап өтті.
«Жаңа видео жарияласам, мені “мақтаншақ” дейтіндер бар. Бірақ сіздер де өз қуаныштарыңызды бөлісіңіздер. Жақсы сәттеріміз көп болсын. Қазір – әлеуметтік желі дәуірі. Қуанышымызды жасырып қалмай, бөлісу қалыпты нәрсе. Бұл мақтану емес. Оқырмандарым бар болғандықтан, өз өмірімдегі жаңалықтарды айтып отырғанымда тұрған ештеңе жоқ», – деді әнші.
Әншінің бұл жауабы да желіде қызу талқыланып, қолданушылар пікірі екіге бөлінді. Бірі оны қолдап, жеке өмірдегі қуанышты бөлісудің қалыпты екенін айтса, енді бірі көпшілік алдында мұндай дүниелерді жариялауды артық деп бағалаған.
Осылайша, Алтынай Жорабаеваның жазбасы әлеуметтік желіде тағы бір пікірталас тудырып, қоғамдағы көзқарас әртүрлі екенін көрсетті.
