15 сәуір, 2026
Соңғы уақытта әлеуметтік желіде әнші Баянсұлы мен оның бұрынғы серіктесі Қуат Әбіл арасындағы дау қызу талқыланып келген еді. Әндердің авторлық құқығы мен қаржылық мәселелерге қатысты туындаған түсініспеушілік көпшіліктің назарын аударған болатын, деп хабарлайды baq-orda.kz.
Жуырда Баянсұлы бұл жағдайға қатысты ресми мәлімдеме жасап, мәселенің толық шешілгенін хабарлады. Оның айтуынша, екі тарап келісімге келіп, әндердің барлық төлем ақысы өтелген. Енді әндер толықтай өзіне тиесілі екенін атап өтті. Сонымен қатар, ол Қуат Әбілге қатысты ешқандай претензиясы жоқ екенін жеткізді.
Өз жазбасында әнші бұл жағдайды әркім әртүрлі қабылдап жатқанын да жасырмады. Бірі хайп деп бағаласа, енді бірі қолдау білдіруде. Соған қарамастан, Баянсұлы тыңдармандарына алғысын айтып, жаңа шығармашылық кезең басталатынын мәлімдеді.
Осыған байланысты тағы бір бейнежазба жарияланды. Онда Әлішер Бурханов (Баянсұлы мен Қуат Әбілдің бұрынғы продюсері) бұл даудың аяқталғанын растады. Видеода ол екі тараптың ортақ келісімге келгенін айтып, арадағы мәселе толық шешілгенін жеткізді.
Қазіргі таңда тараптар арасында ашық конфликт жоқ екені белгілі болды. Дегенмен, бұл оқиға желі қолданушылары арасында әлі де талқыланып жатыр.
Енді тыңдармандар Баянсұлудан жаңа әндер мен жаңа жобалар күтуде.
