Бүгін, 08:58
Жиында танымал әнші Төреғали Төреәлінің анасы келіні туралы жүрекжарды пікір білдіріп, көпшіліктің ықыласына бөленді. Ол ұлының жанындағы жарына деген ризашылығын жасырмай, келінін өз қызындай көретінін айтты, деп хабарлайды baq-orda.kz.
Анасының сөзінше, келіні отбасының бірлігін сақтап, ұлының қасында тірек болып жүрген жан. «Ұлымнан бұрын келініме ризамын. Әрине, бұл жерде бірінші Төрешім тұр. Төрешімнің сүйген жары. Менің екі қызым болса, бұл үшінші қызым боп келді», – деді ол.
Сонымен қатар, ол балаларының бір-біріне деген сыйластығы мен түсіністігінің маңыздылығына тоқталды. Анасы үшін ең бастысы – ұлы мен келінінің бақытты өмір сүріп, бір-біріне қолдау көрсетуі. Оның айтуынша, олардың бірге күліп, өмірді қатар бөлісіп жүргенін көру – ең үлкен бақыт.
Ана жүрегі үшін баласының амандығы мен отбасының татулығынан асқан арман жоқ. Ол Төреғали мен келінінің жарасымды қарым-қатынасын көрген сайын қуанып, шынайы тілегін жеткізді.
Жиын барысында айтылған бұл сөздер көпшіліктің жүрегіне жетіп, ерекше әсер қалдырды. Көрермендер мен желі қолданушылары ананың шынайы сезімін жоғары бағалап, бұл отбасының сыйластығы көпке үлгі екенін жазуда.
