Бүгін, 17:59
Жұлдызай Дүйсенбиева Talim телеарнасына берген сұхбатында отбасылық өмірі туралы ашық пікір білдірді, деп хабарлайды baq-orda.kz.
Актрисаның айтуынша, ол күйеуіне толық сеніммен қарайды және тұрмыста ең бастысы — түсіністік екенін атап өтті.
Жұлдызайдың сөзінше, жолдасы кеш келіп жатса да, ол бірден күмәнға берілмейді. Керісінше, оның аман-есен келгенін ғана тілейтінін жеткізді. Бұл — сенімге құрылған қарым-қатынастың көрінісі екенін айтты.
Сонымен қатар актриса отбасындағы кикілжіңдердің көп жағдайда әйелдердің өзінен басталатынын жасырмады. Оның пікірінше, кейде әйелдер «не болды?» деп қайта-қайта сұрап, айтқысы келмейтін нәрсені де қозғап алады. Ал жауап болмаған жағдайда реніш туындайды.
Алайда Жұлдызай өз отбасында мұндай жағдайларға жол бермеуге тырысатынын айтты. Ол күйеуімен ашық сөйлесіп, бір-бірін тыңдауға мән беретінін жеткізді. Егер айтқысы келетін мәселе болса — бірге талқылайды, ал айтқысы келмейтін жағдайға түсіністікпен қарауға тырысатынын атап өтті.
«Біздің отбасымызда ең бастысы — бір-бірімізді тыңдау. Кейде адамда айтқысы келетін де, айтқысы келмейтін де нәрсе болады. Сол кезде түсіністікпен қарап, сабыр сақтауға тырысамын», — деді актриса.
Жұлдызай Дүйсенбиева осылайша отбасыдағы сыйластық пен сенімнің маңызын атап өтіп, көпшілікке ой салатын пікір білдірді.
