Бүгін, 10:06
Мадина Сәдуақасова Kazakhstan Fashion Week шарасына қонақ ретінде қатысып, күтпеген мәлімдеме жасады, деп хабарлайды baq-orda.kz.
Өнер иесі подиумға шығуға қызығушылығы бар екенін жасырмай, бұл бағытқа енді ғана басқаша қарай бастағанын айтты. Оның сөзінше, бұрын сән әлемі тек бойы ұзын, мінсіз параметрлі модельдерге ғана арналған деп ойлаған.
Алайда қазіргі сән көрсетілімдерінде әртүрлі образдағы қыздарды көріп, өзіне деген сенімі артқан. Сол себепті болашақта подиумда өзін сынап көруге ниетті екенін жеткізді.
«Мені де күтіңіздер», – деп әзілмен айтқан әншінің бұл сөзі көпшіліктің қызығушылығын тудырды.
Сондай-ақ, Мадина Сәдуақасова көрермендер өзін көбіне Азамат Арғынбаев пен ARUNAZ дизайнерлік киімдерінде көріп үйренгенін атап өтті. Әншінің айтуынша, дәл осы стиль өзіне ерекше жақын.
