Бүгін, 10:03
Қазақтың көрнекті ақыны, жазушысы Мұхтар Шаханов қазіргі уақытта жансақтау бөлімінде ем қабылдап жатыр. Бұл туралы ақын қорының төрағасы Нұржігіт Ысқақ мәлімдеді, деп хабарлайды baq-orda.kz.
Мәліметке сәйкес, 84 жастағы қаламгердің денсаулығы сыр беріп, дәрігерлердің жіті бақылауына алынған. Қазіргі таңда оған қажетті барлық ем-дом шаралары жүргізілуде.
Қор өкілдері мен жақындары халықтан ақынның сауығып кетуіне тілектес болып, дұға жасауға шақырды.
Мұхтар Шаханов — ұлттық рух, тіл мен мәдениет тақырыптарын терең жырлаған қаламгер. Оның Өркениеттің адасуы поэмасы қазақ әдебиетіндегі маңызды шығармалардың бірі саналады.
