Бүгін, 14:17
Қазақстандық танымал әншілер Жанболат Ербатыров пен Жазира Байырбекова отбасында қуанышты жаңалық орын алды. Өнерлі жұп ұлдары Қазыбекті үйлендіріп, келін түсірді, деп хабарлайды baq-orda.kz.
Жас жігіттің таңдауы Асылы есімді аруға түскен. Осылайша, қос жас шаңырақ көтеріп, екі әулеттің қуанышын еселеді.
Жазира Байырбекова бұл қуанышты сәтті көпшілікпен бөлісуді жөн көрген. Оның айтуынша, көптің сұрауы бойынша тойдың бір бөлігі тікелей эфир арқылы көрсетіледі.
«Ең бақытты күнімізге бірге куә болыңыздар. Тікелей эфир ұйымдастырамыз. Әркім онлайн тамашалай алады», – деп жазды әнші.
Желі қолданушылары жас жұбайларға ақ тілектерін жаудырып, бақытты ғұмыр тіледі. Ал өнерлі отбасының бұл қуанышы көпшілікке ерекше әсер қалдырды.
