3 сәуір, 2026
Әлеуметтік желіде танымал жайдарманшы, актер Тұрсынбек Қабатов пен оның отбасы өміріне қатысты жаңа мәліметтер кеңінен таралып, көпшіліктің назарын аударды, деп хабарлайды baq-orda.kz.
Өнер иесі отандық телеарналардың біріне берген сұхбатында алғашқы жары Мөлдір Мұқановамен қалың малсыз шаңырақ көтергенін айтқан. Оның сөзінше, бұл шешім өзара түсіністік пен махаббатқа негізделген.
«Қазақта "теңін тапса, тегін бер" деген сөз бар. Мен Мөлдірді қалың малсыз алдым. Қазір бес баламыз бар, бақытты өмір сүріп жатырмыз», – деді ол.
Бүгінде жұп бес бала тәрбиелеп, тату-тәтті өмір сүріп жатқанын жеткізді. Алайда бұл пікір әлеуметтік желі қолданушылары арасында әртүрлі реакция тудырды.
Кейбір оқырмандар әзілкештің сөзін қолдап, отбасы құндылығының басты негізі – сыйластық пен түсіністік екенін атап өтсе, енді біреулері дәстүр мен жауапкершілік мәселесін алға тартып, сын пікірлерін білдірген.
Осылайша, өнер иесінің жеке өміріне қатысты айтқан пікірі қоғамда қызу талқыланып, түрлі көзқарастың қалыптасуына себеп болды.
