Бүгін, 18:14
Танымал саясаткер Серік Әбдірахманов «Ne boldy» YouTube арнасына берген сұхбатында Заманбек Нұрқаділовтің өліміне қатысты қоғамдағы сұрақтардың әлі күнге дейін өзектілігін жоғалтпағанын айтты, деп хабарлайды baq-orda.kz.
Оның сөзінше, марқұмның ұлы Қайрат Нұрқаділов бұл іске қатысы бар адамдардың есімдерін білетінін айтып, прокуратураға арыз да түсірген. Алайда әзірге ресми жауап жоқ.
Әбдірахманов бұл істі қайта қарап, кінәлілерді жауапқа тарту қажет екенін жеткізді. Оның пікірінше, мәселе түбінде жоғары билікке дейін жетуі мүмкін.
Сондай-ақ саясаткер Заманбек Нұрқаділовпен 1980-жылдары таныс болғанын, екеуінің бір өңірден шыққанын атап өтті.
