Бүгін, 12:38
Қазақстандық танымал өнерлі жұп Жанболат пен Жазира тыңдармандарына жаңа ән мен ерекше стильдегі клип ұсынды, деп хабарлайды baq-orda.kz.
Бұл жолы әншілер әлемге әйгілі Барби мен Кен образын таңдап, нәзіктік пен еркелікті үйлестірген жарқын бейнемен көрермен назарын аударды. Клиптің көркемдігі, түстер үйлесімі мен атмосферасы бірден көз тартып, желі қолданушыларынан жылы пікірлер жинады.
Бейнебаянның тағы бір ерекшелігі — оған жұптың қыздарының да қатысуы. Бұл көрініс клипке ерекше отбасылық жылулық пен шынайылық сыйлаған.
Жаңа туынды жанкүйерлер тарапынан жоғары бағаланып, өнерлі отбасының шығармашылығына деген қызығушылықты тағы да арттыра түсті.
