Бүгін, 19:12
Ақордада өткен салтанатты рәсімде мәдениет және өнер саласының бірқатар өкілі мемлекеттік наградамен марапатталды. Марапат иелерінің қатарында актер Жасұлан Көпберген де бар, деп хабарлайды baq-orda.kz.
Өнер иесіне мәдениет саласындағы еңбегі мен ұлттық өнердің дамуына қосқан үлесі үшін «Ерен еңбегі үшін» медалі табысталды.
Марапатты Қазақстан Президенті Қасым-Жомарт Тоқаев тапсырды. Мемлекет басшысы өз сөзінде мәдениет қызметкерлерінің ел руханиятындағы орны ерекше екенін атап өтті.
Жасұлан Көпберген соңғы жылдары театр мен кино саласында белсенді еңбек етіп, көрермен ықыласына бөленіп жүрген актерлердің бірі. Оның марапатталуы өнердегі еңбегіне берілген жоғары баға ретінде қабылданды.
Әлеуметтік желі қолданушылары да актерді құттықтап, оның шығармашылығына сәттілік тілеуде.
