Бүгін, 09:48
Әнші Жігер Ауыпбаевтың жеке өмірі соңғы күндері әлеуметтік желі қолданушыларының қызу талқысына айналды. Бұған дейін өнер иесі «Сүйінші жаңалығымыз бар» деп жазып, оқырмандарының қызығушылығын оятқан болатын. Көп ұзамай оның сүйіктісі Муминамен шаңырақ көтергені белгілі болды, деп хабарлайды baq-orda.kz.
Белгілі болғандай, әншінің таңдауы өзінен 15 жас кіші аруға түскен. Бұған дейін Жігер Ауыпбаевтың алғашқы некесі аяқталып, бұрынғы жұбайымен ресми түрде ажырасқаны хабарланған еді.
Үйлену тойынан тараған видеолар әлеуметтік желіде кеңінен тарап, түрлі пікірлерге себеп болды. Кейбір желі қолданушылары жас келіншектің бейнесіне қарап, оның жүкті болуы мүмкін деген болжам айтты.
«Іші білініп қалыпты», «Жақында сүйінші жаңалық болатын сияқты», «Бақытты болсын!» деген пікірлер жазылған.
Алайда әлеуметтік желіде тараған бұл болжамдар әзірге ресми түрде расталған жоқ. Жас жұбайлар да аталған пікірлерге қатысты ешқандай мәлімдеме жасаған емес.
Осылайша, Жігер Ауыпбаевтың жаңа отбасы мен жеке өміріне қатысты жаңалықтар көпшіліктің қызығушылығын арттырып, әлеуметтік желіде қызу талқыланып жатыр.
