Қырғызстанда қалпына келтірілетін қағаз бен картонды (макулатура мен қалдықтар), сүрек пен ағаш материалдарын Еуразиялық экономикалық одақтың кедендік аумағынан тыс жерлерге әкетуге уақытша тыйым салынды. Бұл туралы Қырғыз Республикасы Министрлер кабинетінің баспасөз қызметі мәлім етті. Шешім елдің ішкі нарығында шикізат ресурстарының тапшылығын болдырмау, сондай-ақ өндірісті ынталандыру және дайын өнімнің экспортын ұлғайту мақсатында қабылданды. Тыйым алты ай мерзімге енгізілді.