Жаңалықтар
Теміртауда 5 жасөспірім өзгенің көлігін “ұрламақ” болды
- author BAQ-Orda
- 16 маусым, 2023
- 58
![Теміртауда 5 жасөспірім өзгенің көлігін “ұрламақ” болды](https://baq-orda.kz/uploads/resized-images/2023/06/8ea92943-c0f4-46ab-896a-3ba26586afb7.jpg)
Теміртауда 5 жасөспірім өзгенің көлігін “ұрламақ” болды
Теміртауда 11-12 жас аралығындағы бес жасөспірім өзгенің көлігін “ұрламақ” болған. Олардың бірі рөлге отырып, ал қалғандары көлікті итере бастаған. Содан олар көлікті көрші үйдің ауласына апарып, оқиға орнынан қашып кеткен, – деп хабарлайды Polisia.kz. 14 маусымнан 15 маусымға қараған түннің ортасында Қарағанды облысы Теміртау қаласының ПБ Шығыс полиция бөліміне бір ер адам арызданды. Жәбірленуші белгісіз біреулердің оған тиесілі көлігін ұрлап кеткендігі туралы хабарлаған. Белгілі болғандай, ол үйіне келіп, көлігін ауласына қойған. Алайда бірнеше уақыттан кейін көлігінің орнында жоқ екенін байқаған. Оқиға орнына жедел тергеу тобы келді. Қаланың осы ауданындағы аулаларда бейнекамералар орнатылғанын байқаған полиция қызметкерлері бейнекамералардың жазбаларына зерделеу жұмыстарын жүргізді. Автокөліктің жоғалуына 11-12 жас аралығындағы бес жасөспірім балалардың қатысқаны белгілі болды. Камераларда көлік құралының салонына олардың қалай кіргеніне дейін жазылған. Олардың бірі рөлге отырып, ал қалғандары көлікті итере бастаған. Осылайша, жасөспірімдер көлікті көрші үйдің ауласына апарып, оқиға орнынан қашып кеткен. Полиция жас “әзілкештерді” анықтады. Ата-анасы бас тартқандықтан, екі бала кәмелетке толмағандарды бейімдеу орталығына орналастырылды. Қалған жасөспірімдердің ата-аналарына қатысты ҚР ӘҚБК-нің 127-бабы және ҚР ӘҚБтК-нің 442-бабы бойынша әкімшілік хаттамалар толтырылды.
Ақпарат көзі Polisia.kz сайтында: https://polisia.kz/temirtauda-5-zhasospirim-ozgening-koligin-urlamaq-boldy/