Бүгін, 15:56
Алматыда бірнеше күн бұрын жоғалып кеткен Ерзат Егізбай өлі күйінде табылды. Бұл туралы әлеуметтік желіде марқұмның жақындары мен еріктілер хабарлады.
Алдын ала мәлімет бойынша, оның денесі су айдынынан табылған. Желіде тараған ақпаратта Ерзаттың зорлық белгілерімен көз жұмғаны айтылуда. Алайда бұл мәліметке қатысты ресми органдар әзірге нақты қорытынды жариялаған жоқ.
Қазіргі таңда құқық қорғау органдары оқиғаның барлық мән-жайын анықтап жатыр. Тергеу амалдары жүргізілуде.
Марқұмның қазасы желі қолданушыларын бейжай қалдырмады. Көпшілік отбасы мен жақындарына көңіл айтып, әділ тергеу жүргізілуін талап етуде.
